UN EX XUÍZ DE CAMBADOS ASCENDE AO TRIBUNAL SUPREMO

O Pleno do Consello Xeral do Poder Xudicial acordou este mércores a designación de José Luis Seoane Spielberg como novo maxistrado da Sala Primeira do Tribunal Supremo segundo informou o órgano de goberno dos xuíces nun comunicado. O CGPJ nomea a José Luis Seoane maxistrado da Sala Primeira do Supremo e a José Alberto Fernández, da Quinta Seoane, que desde 2006 preside a Audiencia Provincial da Coruña, ocupará a praza correspondente á quenda de especialistas vacante pola xubilación do maxistrado José Antonio Seijas Quintana, para o que recibiu o apoio de 13 dos 20 vocais presentes no Pleno. A maxistrada María Eugenia Alegret, tamén aspirante, obtivo seis votos, e o vogal Juan Manuel Fernández abstívose na votación pola súa relación familiar con outra das candidatas, Ana Belén Iracheta, tal e como informa o CGPJ.
Este novo maxistrado da Sala do Civil do Supremo ingresou na carreira xudicial en 1981 e foi destinado no Xulgado de Primeira Instancia e Instrución de Martos (Xaén). Con posterioridade, exerceu como xuíz en Cambados e Xixón, cidade esta última da que foi xuíz decano entre 1986 e 1990. Ese mesmo ano foi nomeado maxistrado da Audiencia da Coruña, cuxa Sección 4ª presidiu desde 1997.