Despois de varios días baixando a covid-19 na área sanitaria de Pontevedra e O Salnés rompeu a tendencia. Un repunte nos contaxios elevou a 416 os casos activos, quince máis que onte, tras 42 novos positivos.
Desta maneira aumentan os pacientes hospitalizados. Hai 20 pacientes con covid-19 ingresados nos hospitais da área, catro máis que onte. Dezasete deles evolucionan en planta, doce en Montecelo, catro no Hospital do Salnés e un en QuirónSalud Miguel Domínguez de Pontevedra. Outros tres están ingresados na unidade de coidados críticos (UCI) de Montecelo. É un máis que hai 24 horas.
O resto, 396 infectados por covid-19, atópanse illados nos seus domicilios recuperándose baixo supervisión médica.
Desde o inicio da pandemia 2.117 pacientes da área sanitaria superaron a covid-19, 27 máis desde onte, e rexistráronse 25 falecementos asociados ao virus.
En canto á realización de probas PCR, fixéronse na área sanitaria de Pontevedra e O Salnés un total de 53.559, 641 nas últimas horas. Desde onte, detectáronse 39 novos positivos por PCR. A estas probas súmanse as 36.080 seroloxías realizadas ata a data.
Cambados pasa de 20 a 22 enfermos, e o que é preocupante, aumenta o número de asociados a estes enfermos que cada día aumenta.
Vilagarcía pasa a nivel 3 de alerta.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.