EN MAREA URXE DERROGACIÓN DA PRÓRROGA A ENCE POR "NULIDADE DE PLENO DEREITO"

O portavoz de En Marea, Luís Villares, pediu este venres ao Goberno que faga unha revisión de oficio da prórroga a Ence na ría de Pontevedra e proceda a derrogala mediante unha declaración de "nulidade de pleno dereito". En declaracións aos medios en Cambados, Villares celebrou que "en vésperas de eleccións" o Goberno variase a súa posición respecto a os preitos xudiciais abertos, pero pediulle "que non se escude en mecanismos xudiciais" e proceda á derrogación "inmediata" da prórroga á pasteira. Abundou en que o Executivo ten esta posibilidade ao seu alcance ao ser a administración que aprobou esta prórroga por 60 anos a Ence, en xaneiro de 2016, co goberno en funcións de Mariano Rajoy.