CAMBADOS ORGANIZA O II SIMPOSIO LGTBI PARA VISIBILIZAR A DIVERSIDADE SEXUAL

Cambados volverá dar visibilidade á diversidade sexual coa segunda edición do Simposio Internacional LGTBI que terá lugar o próximo 27 de outubro. O salón de ExpoSalnés acollerá desde as 10 horas varios coloquios nos que representantes de diferentes países expoñerán as súas experiencias e coñecementos sobre a naturalización da orientación sexual e tamén se abordarán os problemas do día a día nas diferentes sociedades e culturas.

A alcaldesa, Fátima Abal, destacou o traballo do Concello de Cambados en materia de igualdade: "Consideramos moi necesario dar visibilidade e mostrar á sociedade actual que este tipo de actos fan falta porque por desgraza segue habendo moita homofobia", dixo.

"O ano pasado o Simposio tivo moita aceptación e contamos coa colaboración de todos os veciños para coñecer como se viven e normalízanse situacións de homosexualidade e de orientación sexual", continuou. Mónica Novas, coordinadora do simposio, explicou que nesta ocasión estará enfocado no matrimonio entre persoas de igual sexo, "a idea principal é que o amor é amor, dá igual a condición": "Queremos que todo o mundo estea orgulloso da súa condición sexual, sexa cal for", agregou.