O CENTRO DE SAÚDE DE CAMBADOS ESTIVO SEN MÉDICO ALGÚN A PRINCIPIOS DE ESTE MES

O vindeiro luns está previsto que o Centro de Saúde de Cambados  volva a abrir polas tardes despois do peche de verán.

Segundo o SERGAS este peche veraniego non tivo incidencias a destacar.  Algo que non concorda co que dixo esta mañán Tino Cordal, concelleiro de Sanidade e Servizos Sociais de Cambados que asegurou que o Centro de Saúde cambadés estivo un sábado de este mes de setembro sen médico case 2 horas. O que estaba asignado tivo unha urxencia na Illa de Arousa. Lembremos que na Estrada un home morreu este verán ao estar o médico de ese centro facendo unha urxencia fora do Centro de Saúde. 

Tino Cordal tamén asegurou que moitas persoas presentaron queixas escritas no mesmo centro a través das follas de reclamación, polo deficiente servizo prestado durante a época estival con esperas de máis de 10 días para unha consulta co médico de cabeceira.

Por outro lado o Servizo Galego de Saúde (Sergas) tiña previsto acometer este outono unha profunda reestruturación do mapa de atención pediátrica en Galicia para adaptarse á crúa realidade de que non hai médicos pediatras suficientes para todos os centros de saúde galegos. Pero a posta en marcha do proxecto vaise retrasar, polo menos en Cambados.

Un novo pau a Cambados, tamén a Meis, Ribadumia e A Illa que compartirían servizo, algo que se está a facer habitual por parte da Xunta. Lembremos os casos da Plaza de Abastos ou o Centro de Día.