A MANCOMUNIDADE DO SALNÉS SUPERA OS OBXECTIVOS DO SEU PLAN DE TURISMO

A Mancomunidade do Salnés presentou hoxe en Sanxenxo o balance do Plan Estratéxico de Turismo 2016-2020 que marca os retos e obxectivos da entidade comarcal no ámbito turístico durante este período e que agora agora foron superados. Este plan de turismo realizado pola empresa Eosa, consta de tres fases, unha primeira de análise e avaliación, con entrevistas entre o sector público, técnico e privado, a seguinte onde se definiron as estratexias básicas para establecer as primeiras accións competitivas do destino e unha última fase na que se elaborou finalmente o programa de actuacións a levar a cabo durante os catro anos. No balance do Plan Estratéxico móstrase a necesidade de centrar os esforzos na desestacionalización, a internacionalización, a comercialización e a formación no sector turístico, polo que son estes catro puntos nos que a Mancomunidade do Salnés traballa con maior intensidade. No documento establecíase o investimento mínimo de 400.000 euros para porder levar a cabo as accións establecidas ata 2020, con todo, a Mancomunidade investiu en tan só dous anos, 300.000 euros polo que a intención é "finalizar o período duplicando o investimento inicial, renovando os tres convenios subscritos coa Axencia Galega de Turismo para a sinalización, a promoción turística e a internacionalización". Ademais, no Plan Estratéxico de Turismo do Salnés establecéronse 56 liñas de actuación das cales un 61 %, 34 accións, xa foron executadas, polo que os obxectivos cumpridos, sinala a Mancomunidade de O Salnés, "están por encima das expectativas". Concretamente traballouse en once eixos, entre os cales destacan a xestión integral do destino e marca común para a comarca, a diferenciación en sectores como a enograstronomía, a promoción do destino a nivel internacional, a fidelización dos turistas, a desestacionalización, a innovación no formato de información e o Xacobeo de 2021 como unha oportunidade de turismo para a comarca.