UN HOSPITAL TRANSFORMADO EN CENTRO DE SAÚDE CON CAMAS

O Sindicato Omega di que o servizo de Medicina Interna do Hospital do Salnés vai quedar ao 50%

Dos dez profesionais que ten o servizo de medicina interna do Hospital Comarcal do Salnés, vanse cinco polo concurso de traslados e un permiso de maternidade. E doutra banda, o sindicato Prosagal denuncia o peche de camas estival e anuncia unha marcha o próximo 16 de maio. Denuncia Prosagal que o peche de camas nos hospitais públicos de Pontevedra no verán significarán máis ou menos unhas 83 camas menos. O colectivo afirma que o hospital fai isto para aforrar porque é falso que as incidencias e actividade diminúan tanto no verán. Van pechar algúns servizos como o de lactantes, así que nalgúns casos os nenos terían que ser derivados a Santiago, como advirte Carolina Iñarrea. Ademais, Prosagal denunciou un caso concreto dunha enfermeira que tivo que ser atendida en Urxencias por atoparse indisposta e chegou tarde á hora en punto da súa quenda. Estaba no propio hospital, pero estaba a ser atendida. O castigo foi unha inhabilitación ata o próximo 15 de maio.