CAMBADOS, ESCENARIO DE II REGATA DA LIGA GALEGA DE KAIAK DE MAR/SUP

210 deportistas participarán na proba. Ás 16:00 horas de mañá celébrase no peirao de Santo Tome de Cambados a 2º regata da liga galega de kaiak de mar/sup da tempada. A competición dará comezo coa saída ás categorías senior, xuvenil e veterano. Unha hora e media máis tarde iniciarán a proba as embarcacións dos participantes cadetes xunto coa modalidades SUP, tradicional e populares. Os 21 equipos que se desprazan a Cambados levarán un gran número de participantes. Os 210 padeeiros inscritos realizarán un percorrido de 10 km, empezando no embarcadoiro de Santo Tome con dirección cara á ponte da Illa de Arousa, unha vez pasado a pasarela estará a boia para virar e volver cara ao punto de partida. As clasificacións xerais da liga nestes momentos encabézaas en homes o Piragüismo Cambados con 50 puntos, en segunda posición atópase o Club de Mar Ría de Aldán con 48 puntos e terceiro o Naval de Pontevedra con 47 puntos. Pola contra en mulleres, o líder é o Club de Mar Ría de Aldán con 50 puntos, seguido polo Piragüismo Olívico e o Náutico O Muiño con 47 puntos.