WILL SAUNDERS A UN PASO DE ABANDONAR O XUVEN

Will Saunders nun partido coa selección de Gran Bretaña

O británico só ficharía no caso de recibir o ‘ ok’ da Federación Española segundo se desprende da información chegada desde Cáceres
William Harold James Saunders. Ou, abreviando, Will Saunders. É o nome que apuntan en Cáceres para un futuro próximo no equipo Cáceres Patrimonio da Humanidade no caso de que reciba o visto e prace da Federación Española de Baloncesto para inscribir a un novo xogador en substitución de Dani Martínez, lesionado de gravidade. A decisión coñecerase a finais desta semana. Mentres tanto, Saunders, co que xa hai un acordo, segue xogando co Xuven. Ao club galego tamén se lle contactou e as posturas para deixar saír a un dos seus referentes están moi próximas, sempre coa condición do ‘ ok’ federativo. O internacional británico, mide 2,01 e o pasado día 4 cumpriu 27 anos. Trátase dunha das estrelas da LEB Prata, polo menos a nivel estatístico: con 17,4 puntos por partido é o terceiro máximo anotador. Iso si, non se caracteriza polas grandes porcentaxes: 45% en tiros de 2, 32,5% en triplos e 71,4% en libres. Adoita ser tipificado como un xogador que abusa do lanzamento, mesmo en situacións non moi favorables, e que tampouco axuda demasiado en defensa. Pero é o que o Cáceres puido atopar nun mercado con moitas limitacións a estas alturas. MAL CO ADESTRADOR
Ao Xuven Cambados tampouco parece que vaia a importarlle moito soltalo, a permanencia está case asegurada e aliviaría os gastos na mermada economía do clube cambadés. A relación entre Saunders e o seu adestrador, Chiqui Barros, atravesou momentos difíciles durante a tempada, sempre desde a información chegada de Extremadura. «Os máis veteranos, caso de Will, ten que saber que sen defensa non se xoga a isto. Os intelixentes nisto enchen as estatísticas de cousas, collen rebotes, dan asistencias, forzan faltas, fan faltas, tocan balóns, axudan ben, aguantan ben o un contra un; e a nós fáltannos moitos xogadores como eses. Necesitamos máis achega deses xogadores supostamente estrelas. O seu rendemento ten que ser moito maior», comentou publicamente Barros en decembro despois da derrota contra A Roda. Curiosamente, o pasado sábado asinou o seu peor partido da tempada: só dous puntos e dous rebotes en apenas seis minutos na vitoria do seu equipo contra o Martorell (61-71). Quizais xa teña a maleta case feita.

Desde o clube amarelo negan as mqlas relación entre xogador i entrenador.