O Boletín Oficial da Provincia de Pontevedra ( Boppo) publica na súa edición de onte unha oferta de emprego público do Concello de Cambados, a primeira destas características que convoca o Concello desde hai 12 anos.
A Xunta de Goberno Local, en sesión extraordinaria celebrada o 31 de decembro de 2017, acordou por unanimidade dos membros presentes aprobar a oferta de emprego público, ano 2017 (expediente 4925/2017) nos seguintes termos:
Como se ve hai 10 vacantes, pero só unha é por convocatoria libre. As nove restantes son por promoción interna, esto é, para xente que xa traballa na administración local. En total son tres prazas de administrativo e outras seis de operarios (encargado de obras, xardineiros, condutores e oficial de mantemento) por promoción interna, mentres que o concurso libre é para un oficial de administración. Agora hai que agardar ata que se publiquen as bases que rexerán cada convocatoria para poder recoller as instancias os interesados en presentarse a estes postos. A anterior convocatoria de emprego público anulouse, tras pasar varios anos sen concretarse.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.