O presidente da Fundación Galega contra o Narcotráfico (FGCN), Manuel Couceiro, dixo hoxe que a comunidade autónoma "segue sendo o destino favorito" da entrada de droga en Europa.
Durante o acto "Panos Brancos contra a Droga", que este ano coincidiu co "Día Internacional contra o Uso Indebido e o Tráfico Ilícito de Drogas", Couceiro recalcou que no últimos seis meses foron intervidas 11 toneladas de cocaína, "unha cifra insoportable que mostra a magnitude do problema".
Couceiro e a alcaldesa de Cambados, Fátima Abal, reclamaron como solución "unha maior sensibilización da sociedade e máis políticas decididas" de prevención e educación para a saúde.
O presidente da FGCN recalcou que "aínda queda moito traballo por facer", e que hai que continuar a loita e a prevención desde a infancia.
Ao acto asistiron a deputada provincial de Cohesión Social, Digna Rivas, o director xeral de Emerxencias da Xunta, Luís Menor, e a vicepresidenta da Fundación Internacional Baltasar Garzón, María Carmen Durán.
Posteriormente, os nenos que participan no campamento A Pastora de Cambados realizaron a solta de globos brancos e todos os presentes procederon á firma da bandeira branca onde deixaron por escrito o seu rexeitamento contra o tráfico de drogas.
Imaxe SERtv
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.