UNHA NOITE MÁIS O XUVEN DURME LÍDER

 Kia Sakimovil Navarra – Cambados C. Europea 74-93

Sen moitos espaventos pero o Cambados Cidade Europea foi mostrando minuto a minuto que ten unha volta de porca máis no seu motor que o seu rival e foi aumentando a diferenza aos poucos pero de forma constante. Á parcial inicial (6-21) combatérono os navarros cun gran Adrián García (11 puntos) ata empatar o partido (28-28), pero os galegos eran capaces de abrir demasiadas frontes con Nkaloulou, Osborne e Gelazonia que só atopaban a oposición de Adrián Fontes (16), primeiro, e do capitán Narros (15) despois.

MVP: Brantley Osborne (Cambados): 19



O Basket Navarra comezou o partido superado completamente polo rival que se colocou cun 0-9 aos tres minutos, 2-11, 4-18 e unha máxima diferenza de quince puntos (6-21) que se reduciu nos minutos finais do primeiro cuarto cun triplo de Manu Vázquez ata o 14-23.

O segundo cuarto é o da reacción navarra. Un parcial de 6-0 coloca o 20-23, e unha canastra de Adrián García pon por diante ao equipo de Joaquín Prado por primeira vez co 26-25. Novo estirón visitante ata o 30-36, novo empate a 36 puntos e o 40-43 ao descanso a favor dos galegos.

O terceiro cuarto mantén unha diferenza mínima a favor do Cambados co 44-47 e o 46-50. Un triplo de Iñaki Narros coloca o 49-52, pero de novo estiráronse os visitantes ata o 49-56 e ao 52-62 ao final do terceiro cuarto cun triplo a doce segundos do final.

O último cuarto case obriga ao Basket navarra a xogar á desesperada para recortar diferenzas no marcador. Dous triplos de Narros poñen o 57-66 e o 62-70, pero os galegos vanse no electrónico ata por dieciseis puntos (66-82), ata o 74-93 final.