Este xoves, 9 de marzo ás 18:00h no Auditorio da Xuventude proxéctase a película “Visións”, dentro do ciclo Cinema e Muller que organiza a Deputación de Pontevedra.
Visións é unha obra colaborativa feita por mulleres, un filme íntimo e poliédrico onde cinema e arte se funden ofrecendo dez olladas poéticas e xenuinas.
Participaron no proxecto Carla Andrade, Bego Santiago, Carme Nogueira, Eva Calvar, Sonia Méndez, Andrea Zapata-Girau, Lara Bacelo, Olaia Sendón, Diana Toucedo e Claudia Brenlla.
As creadoras recibiron a proposta de dirixir unha peza nun prazo de dous meses. Tras reunirse, coñecer os seus respectivos traballos, intercambiar ideas e compartir, grazas á inmediatez das redes sociais, o seu proceso creativo, sacaron á luz unha "película de curtametraxes" tecida coa inevitable influencia de todas elas. Ademais de directoras fixeron de cámaras e de montadoras. É precisamente a súa capacidade para realizaren unha película de principio a fin, coas súas propias mans e cun axustado orzamento, un dos aspectos que define o cinema que practican.
A entrada é libre ata completar aforo.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.