Un incendio declarado na madrugada deste xoves nun galpón da antiga conserveira Escuredo, do Grove, causou danos materiais no seu interior e, como consecuencia do lume, calcinouse material de pesca.
A conserveira carecía de actividade e non está pegada a casas polo que o risco para os veciños foi reducido.
O CAE 112 Galicia indicou que os feitos sucederon no lugar de Porto de Meloxo sobre as 2,50 horas deste xoves, segundo alertou un particular ao servizo de emerxencias.
O Centro de Atención ás Emerxencias 112 Galicia pasou o aviso a Protección Civil da localidade, ao GES de Sanxenxo e á Garda Civil e tamén informou os Bombeiros de Ribadumia aínda que, finalmente, descartouse a súa intervención.
Os servizos de emerxencias que se achegaron ao momento conseguiron sufocar o lume, segundo abundaron as mesmas fontes de emerxencias.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.