O PARO BAIXA MENOS EN GALICIA QUE NO RESTO DO ESTADO

2016 rematou cun dos maiores descensos históricos do paro, aínda que menor ca o de 2015: 541.700 desempregados menos, que deixan a taxa no 18,6% cun total de 4 millóns 237.800 parados, a cifra máis baixa dende 2009.

Tamén se creou emprego por terceiro ano consecutivo con máis de 400.000 novos postos de traballo. Hai máis de 18 millóns e medio de ocupados.

Os fogares con tódolos membros no paro baixaron case 11 puntos nun ano: son algo máis dun millón 300.000. Tamén descendeu o paro xuvenil tres puntos e aínda así a taxa está case no 43%. E o número de parados de longa duración cae máis dun 16%. 

O paro en Galicia baixou en 2016 en 18.500 persoas respecto ao ano anterior, un 8,32% menos, polo que a taxa de desemprego se sitúa no 16,29% e o número total de desempregados en 204.200, segundo datos da Enquisa de Poboación Activa (EPA) feita pública este xoves polo Instituto Nacional de Estatística (INE).

As grandes cifras do mercado laboral indican que 2016 foi un bo ano, aínda que non tan bo como 2015. En Galicia a taxa de desemprego caeu un 8% mentres que en España baixou un 11%.

A nivel do Estado, o paro baixou en 541.700 persoas en 2016, o que supón un 11,3% menos que en 2015, rexistrando o seu cuarto descenso anual consecutivo e unha das maiores caídas da serie histórica. A taxa de paro no Estado é do 18,6%, a máis baixa nos últimos sete anos. Cataluña é a autonomía na que máis baixou. 

Outro dato que deixa a EPA é que a poboación activa, en idade e disposición de traballar, segue baixando en España. Reduciuse en 128.000 persoas en 2016. 

Nos gáficos de abaixo podedes observar os datos de Cambados