UN MVP SEN O PREMIO DA VICTORIA

Debíalle a liga LEB Prata un MVP a Charles Nkaloulou desde que debutase na competición tres anos atrás pero o seu dobrete de galardóns durante as dúas últimas semanas non puido chegar acompañado nesta ocasión dun triunfo que achegase ao seu Xuven Cambados a unha clasificación copeira para a que os pontevedreses conservan con todo un bo número de opcións.

Non resulta sinxelo o poder facerse cun MVP nunha Liga tan esixente como a LEB Prata e, nin moito menos, o sumar dous galardóns de maneira consecutiva. Ben o sabe un Charles Nkaloulou que tivo que esperar tres tempadas para asinar o seu primeiro gran éxito persoal pero que tardou apenas sete días en poder reeditar dita condición.

Aínda que nesta ocasión os seus contundentes 34 tantos de valoración non foron do todo suficientes para que o seu Xuven Cambados puidese sorprender a un Basket Navarra que parece coller inercia gañadora durante as últimas semanas (71-82). Un equipo en alza e que soubo facer fronte aos 26 puntos (10/15 TC), 10 rebotes, 1 recuperación, 3 tapóns e 3 faltas recibidas dun á-pivote imparable durante as últimas semanas.

E é que parece haberlle lle lle tomada a medida á competición este interior de orixe congoleño e para o que non hai imposibles durante as últimas semanas. Sen lugar a dúbida unha das claves á hora de explicar o bo funcionamento do Xuven durante un inicio de campaña no que os pontevedreses sumaron xa sete triunfos e no que o seu nome segue sendo sinónimo dun soño, o de poder certificar proximamente a súa clasificación para a disputa de Cópaa LEB Prata.

 Estatísticas da tempada - Charles Nkaloulou:

Partidos xogados: 12
Minutos: 25,46 p.p.
Puntos: 15,6 p.p.
Rebotes: 6,2 p.p.
Asistencias: 0,5 p.p.
Recuperacións: 0,7 p.p.
Tapóns: 0,7 p.p.
Faltas recibidas: 2,7 p.p.
Valoración: 18,1 p.p. 


Traxectoria deportiva - Charles Nkaloulou:

Formación: Estudantes de Lugo
2012/13: Estudantes de Lugo (Liga EBA) 
2013/14: Ribeira Sacra Breogán (LEB Ouro) 
2014/15: Xuven Cambados (LEB Prata) 
2015/16: Zornotza ST (LEB Prata) 
2016/17: Xuven Cambados (LEB Prata)