REACCIÓNS DAS OUTRAS CANDIDATAS A CIDADE EUROPEA DO VIÑO

A alcaldesa de Aranda de Duero (Burgos), Raquel González, recoñeceu que a elección de Cambados (Pontevedra) como Cidade Europea do Viño 2017 foi unha "sorpresa" e defendeu a candidatura do seu municipio que "merecía" ese recoñecemento da Rede Europea de Cidades do Viño (Recevin).

A candidatura arandina, segundo a alcaldesa, deixou "sorprendidos" aos presentes na gala celebrada onte á noite en Palmela (Portugal), na que cada unha das postulantes presentou o seu proxecto.

Xunto con Aranda e Cambados estaban as candidaturas de La Palma del Condado (Huelva) e Villafranca do Penedés (Barcelona), aínda que González segue pensando que a burgalesa era "a mellor candidatura".

Ademais, a alcaldesa mostrou a súa "sorpresa" pola elección da localidade pontevedresa, posto que era a que contaba con menos apoios populares, cunha "escasa" mobilización en redes sociais.

Por outra banda, a programación de actividades de Cambados leva aparellada un orzamento de 450.000 euros, fronte aos 2,5 millóns de Aranda de Douro.

"Seguimos convencidos de que é un gran proxecto", insistiu a alcaldesa, e "merecese" ser Cidade Europea do Viño 2017.

Pola súa banda desde La Palma del Condado resígnanse sin resquemor cara a candidatura cambadesa.
Non puido ser esta vez: Cambados será a Cidade Europea do Viño 2017,  La Palma del Condado terá que esperar.

Cambados foi seleccionada onte á noite Cidade Europea do Viño 2017. Foi no transcurso dunha gala da Rede Europea de Cidades do Viño (Recevin) celebrada en Palmeiras (Portugal).

A pesar de que a delegación da Palma, encabezada polo seu alcalde, Manuel García Félix, fixo a mellor presentación da candidatura, recreando a Festa da Vendima e o nacemento en vivo do viño, Cambados terminou sendo elixida polos alcaldes da Rede Europea de Cidades do Viño a Cidade Europea do Viño 2017, cando eran xa as tres da madrugada en España, unha hora menos na cidade de Palmela en Portugal. 
Malia todo desde La Palma felicitaron a Cambados

Quen aínda non reaccionou foi a candidatura catalana de Vilafranca. Ou pode ser que o tomara con "deportividade".