O Coruxo anunciou este pasado xoves a contratación de Agustín Pastoriza Cacabelos 'Pibe' procedente do Oviedo Vetusta. Retorna a Galicia tras militar en Cambados, Pontevedra ou Arousa entre outros.
Salvo sorpresa de última hora, o conxunto de Rafa Sáez pecha o plantel con Agustín Pastoriza 'Pibe', xogador de ascendencia arxentina que ficha polo Coruxo tras militar a pasada campaña en Betis B e Oviedo Vetusta.
Como o propio interior afirma a decisión de recalar en Vigo foi fácil: "Son de aquí, tiña ganas de volver a casa". O atacante dará variantes e profundida na segunda liña (onde se desempeña) unhas posicións que contan con Pedro Vázquez, Jorge Fernández, Mateo e Hugo Sanmartín.
Pibe pode xogar tanto no flanco dereito como no esquerdo destacando a súa polivalencia e sobre todo a súa mobilidade. Así mesmo, achegará xuventude (20 anos) e descaro.
Xogador prometedor que xogou en Arousa, Cambados e A Seca. Tras a súa estancia no Pontevedra CF recalou no equipo xuvenil do Betis onde logrou debutar co primeiro equipo verdibranco ante o Osasuna. Ao ano seguinte, aínda sendo xuvenil, disputou seis encontros co filial bético.
A pasada campaña non tivo a sorte de ter os minutos desexados por problemas extradeportivos o cal precipitou o seu desembarco no Oviedo Vetusta da terceira división asturiana onde logrou dous goles na segunda metade da tempada.
Foi internacional coa albiceleste nas categorías inferiores sendo un xogador cunha gran proxección. Buscará despregar en O Vao o seu talento.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.