ESPAÑA 5ª POR EQUIPOS TRALA PRIMEIRA XORNADA DO MUNDIAL

España, quinta no ranking con 957 puntos, logrou un bo comezo no Mundial Team Racing, con dous triunfos e unha derrota que lle permiten seguir adiante. O primeiro enfrontamento do combinado español, contra Alxeria,  non presentaba moitas dificultades como así foi. Lográbase un primeiro triunfo bastante claro e sen problemas.

No segundo, un pouquiño máis traballado, os finlandeses tampouco puxeron en serios aprietos a España, polo que o optimist español lograba un segundo triunfo, moi importante para manter a moral alta dos mozos de fronte ao terceiro enfrontamento do día que ese si ía ser moi complicado.

Italia esperaba a España nese terceiro duelo para os nosos. O equipo español non tivo unha boa saída e os italianos pola súa banda lograban colocar un barco por diante e controlar o match (encontro).  Tras o primeiro tramo todo púxose moi costa arriba para os españois e aínda que o tentaron a vantaxe dos italianos era importante para sufrir a primeira derrota.

O combinado español, a pesar diso, segue adiante e agora ten a China como próximo rival para lograr o billete a oitavos. O enfrontamento cos chineses terá lugar mañá domingo, 3 de xullo, última xornada mundialista en augas portuguesas de Vilamoura. No caso de que España non logre o triunfo ten unha repesca, aínda que os rivais que poden tocarlle moi fortes, entre eles Australia, Malaisia ou Noruega.

España, tras o Mundial Individual, queda na quinta praza con 957 puntos, por detrás de Grecia, cuarta sumando 929; Singapura, con 867,2; Alemaña con 638 e Estados Unidos, primeiro clasificado, logrando 600 puntos. Na Copa das Nacións, tras os resultados do Mundial Optimist, España termina como o sétimo mellor país do mundo nunha clasificación de 48 países. Dous magníficos resultados para España.