XUVEN CAMBADOS SIGUE SENDO DE PRATA

Non puido ter un desenlace máis emocionante a tempada regular da LEB Prata. Cunha canastra de Sergi Quintela a dous segundos para o final da prórroga, Xuven Cambados lograba a permanencia na categoría en detrimento de un Cidade de Valladolid que cumpriu co seu parte en Xetafe e soñou coa salvación durante moitos minutos.

Non puido ser máis dramática e emocionante a salvación do Xuven Cambados. Sergi Quintela, a dous segundos para o final da prórroga, anotaba a canastra que garantía ao conxunto galego seguir un ano máis na LEB Prata.

Acompañado dunha vintena de afeccionados en Larrea, os galegos tiñan claro que dependían de si mesmos, pero que, polo si ou polo non, tiñan que ter un ollo en Xetafe e Zaragoza. Pero enfronte tiña un rival que se xogaba as súas opcións de playoffs, pasando necesariamente por unha derrota de Clínicas Rincón en Marín. Isto último non acompañaba desde os primeiros minutos do encontro, pero os de Mikel Garita non baixaban os brazos e marchábanse por diante aos vestiarios (37-31). Nese momento, Xuven Cambados estaba descendido. A situación tampouco cambiaba dez minutos despois (57-54) e comezaba xa a tornarse en dramática. Nese cuarto final, os galegos tiraban de defensa para colocarse nunha situación vantaxosa que non terminaban de concretar e que Enosch Wolf mandaba á prórroga (69-69), aínda xa sabendo que non tiñan ningunha opción de clasificarse para as eliminatorias polo ascenso.

Eses cinco minutos definitivos, non só do partido, senón tamén da tempada, quedarán na memoria dos afeccionados do Xuven por unha canastra de Sergi Quintela que vale unha permanencia.

A clave: Pouco máis decisivo pode haber que unha canastra que vale unha permanencia, así que Sergi Quintela é o protagonista neste apartado. Antes dese momento, 14 puntos, 11 faltas recibidas e 24 de valoración para Adrián Chapela.





Estadística


FEB.es