TEATRO NA XUVENTUDE A CARGO DO GRUPO CAMBADÉS "NO GARAXE"

A compañía de teatro cambadesa “No Garaxe”, partir das 20.00 horas do domingo 24 no Auditorio "A Xuventude" porá en escena “O achado do Castro” de Manuel Núñez Singala. 

Teatro no Garaxe naceu da desaparecida Escola Municipal de Teatro de Cambados. Este grupo afeccionado, pero xa con taboas dabondo, dará vida este domingo a unha comedia na que o humor o é todo, unha historia que, pulando por riba do anacrónico e profundando na súa esencial hilaridade, nos retrotrae á Roma histórica da man duns personaxes arquetípicos que se comunican nun galego inzado de latín macarrónico e que se enlean en enredos cómicos cheos de equívocos e confusións que producen no espectador unha clara empatía e doado recoñecemento.