O XUVEN CUMPLEU A METADE DO TRABALLO

Os de Miguel Ángel Hoyo cumpriron na súa primeira final e chegarán á última xornada dependendo de si mesmos para salvarse, pero tamén con opcións de pelexar polo último posto de playoff.

Despois duns minutos iniciais de tanteo, os amarelos pegaban o seu primeiro acelerón para irse á decena (17-7). Viten Xetafe pechaba con mellores sensacións o primeiro período e colocábase a dous puntos no arranque do segundo período cunha canastra de Rubén Martínez (21-19). Xuven Cambados volvía querer despegarse, pero o seu rival aguantaba o tirón (31-26). Nese momento, os cambadeses subiron un punto a súa intensidade para volver irse ao dobre díxito de renda antes do descanso (40-28). E con seis puntos no último minuto, os galegos íanse con +16 ao descanso (46-30).

Á volta á cancha, 5-0 de saída para +21. Parecía que o choque xa estaba sentenciado, pero a experiencia de encontros pasados esta tempada obrigaba á cautela. E máis cando encadeaba un 2-9 (53-39). A resposta dos locais foi contundente: 22-2 e agora si vitoria no peto (75-41). Os minutos finais serviron para que os afeccionados galegos gozasen co esmagador triunfo do seu equipo.

A clave: O mellor encontro da tempada para os galegos no momento máis crítico. Seis xogadores por encima dos dez puntos e cinco en dobre díxito de valoración.





Estatística