FESTA DE NOMEADOS AOS PREMIOS DA MÚSICA ONTE EN CAMBADOS

Autoridades e direción da adega

Foto de familia dos finalistas

Onte xoves celebrouse nas instalacións da adega Martín Códax a Festa de Nomeados na que se deron a coñecer os finalistas da terceira edición dos Premios Martín Códax da Música.

Estes premios naceron para recoñecer a creación, a diversidade e a calidade artística das producións musicais galegas; revelar novos talentos e achegar a música e o seu proceso de produción ao público.

Os Premios Martín Códax da Música desvelaron onte á noite a listaxe dos 57 finalistas da súa terceira edición. Foi durante a festa de nomeados que tivo lugar nas Bodegas Martín Códax en Cambados

Agora haberá que agardar á gala do 28 de abril para coñecer o nome dos gañadores. Parabéns e moita sorte a todas e todos os candidatos!

Consulta aquí os finalistas