A BIBLIOTECA LUÍS REI RECIBE O PREMIO FUNDACIÓN BIBLIOTECA SOCIAL

O 1 de marzo 2016 o Xurado valorou como "Mellor proxecto" ao denominado !CANTO CONTA CAMBADOS!, presentado pola biblioteca Municipal Luís Rei de Cambados. Segundo o Xurado, trátase dun proxecto de natureza holística (que considera algo como un todo), global, ben orquestrado e con recursos razoables, que colabora "coa comunidade", "non para a comunidade", tratando de que a biblioteca e o libro acudan onde se acha a vida, non á inversa. Facilita cohesión social e cidadá ao eliminar fronteiras de destinatarios -veñan de onde veñan-, normaliza ao usuario con discapacidade, actúa coa proximidade e a reivindicación lingüística, de forma que a cultura e o libro deveñen en instrumentos de pertenza, participación cidadá e transformación.


E hoxe tivo lugar a entrega do Premio

O premio consiste en 1.200 euros en metálico para a compra de material e seguir realizando actividades, ademáis da grabación do vídeo do proxecto presentado.

Durante o acto de entrega do galardón estiveron presentes na Biblioteca Municipal tres  membros da
Fundación catalana, e representantes dos colectivos sociais que traballaron no proxecto como o colexio de San Tomé, o Refuxio de Animais de Cambados, A Asociación Por Dereito, Guimatur ou Cruz Vermella, así como a alcaldesa Fátima Abal, e os concelleiros Víctor Caamaño, José Ramón Abal e Xurxo Charlín.

O Concelleiro de Cultura, Victor Caamaño, amosou a súa satisfacción polo galardón recibido e polo traballo realizado polos técnicos de Cultura do Concello, sen esquecerse de todos os colectivos implicados.
A técnica do departamento, María Vázquez, foi quen explicou o proxecto realizado.

Chama a atención que non estivera presente ningún representante da anterior goberno municipal, despois de que onte saliran en todos os medios destacando que foran eles quenes arrancaran co proxecto.

A Fundación Biblioteca Social a través de twitter e facebook dou a coñecer este galardón a toda España.