O XUVEN A SAÍR DO DESCENSO E MARÍN A ASCENDER

Na xornada do sábado xogarase no Serrallo o primeiro dos tres encontros ante o seu público cos que os de Berni Álvarez pecharán a tempada regular e tamén as tres finais para o conxunto amarelo. O CB Tarragona deberá vencer nos seus tres encontros se quere seguir pelexando por acabar nos postos de cabeza de serie. Os cataláns teñen por diante tres perigosos duelos, xa que se medirán a Cambados e Valladolid, que se están xogando a permanencia, e a Covirán Selecta no que pode ser un decisivo cara a cara final. Pola súa banda, Xuven Cambados chega con moitas urxencias á cancha tarraconense. Os seus tres últimas derrotas consecutivas, unidas á reacción de Simply Olivar, fan que empecen a xornada en postos de descenso tralo partido atrasado xogado onte  IF Clínicas Rincón 73 – Brico Depôt Ciudad de Valladolid 65 e sabedores de que o actual triplo empate condénalles ao descenso.

Data e hora: Sábado, 19:00 h., FebTV

Atención a: Shota Gelazonia. Perfectamente adaptado ao seu novo equipo, o xeorxiano promedia 18 puntos, 10.5 rebotes e 26.5 de valoración nos dous encontros disputados coa camiseta amarela.

O dato: Os de Berni Álvarez terminaron o seu periplo como visitante esta tempada cun balance 7-6. Na casa, números parecidos: 5 vitorias e 4 derrotas.

Na primeira volta: 97-80 para os galegos.

Por outro lado, hoxe pode ser o dia agardado, chegou o primeiro día crave para os de Javi Llorente. Marín Ence Peixegalego afronta a súa primeira oportunidade de lograr o ascenso directo á LEB OURO. E farao co apoio da súa afección nunha cancha onde non perde desde a primeira xornada de liga. Marín tinguiuse esta semana de azul para mostrar todo o seu apoio ao equipo, a piques de conseguir outro fito na súa brillante traxectoria recente. A festa está xa preparada, pero a terras galegas chega un Olivas Fragata Morón que non quere exercer de convidado de pedra ante a felicidade local. Os andaluces chegan con 5 vitorias consecutivas que lles fixeron empatar cos postos de cabeza de serie e superando a todos os equipos que perseguían aos galegos na clasificación. Así que os sevillanos, sen nada que perder, poden augar a festa do Peixe.

Data e hora: Hoxe venres, 20:00 h.