BOS RESULTADOS PARA O VITAL SPORT NA FASE PROVINCIAL CAMPEONATO ESCOLAR DE COMBATE, DE TAEKWONDO

Este domingo pola mañá celebrouse no pavillón O Rosal da localidade e Moaña, a fase Provincial do Campionato Escolar de Taekwondo na modalidade de Combate, dentro do programa Xogade da Xunta de Galicia.
O Club Vital Sport Cambados, e o seu asociado, o Club Gym Vital de Caldas de Reis desprazaron a sete competidores, conseguindo uns excelentes resultados ao acadar un total de cinco medallas, catro delas de Bronce, correspondentes a Pablo García, Teo Rodríguez, Roi Rodríguez e Pablo Domínguez, e unha medalla de Prata para Alba Oubiña, clasificándose automaticamente os cinco medallistas para disputar o Campionato Autonómico da especialidade, que se celebrará o sábado día 21 de maio na localidade Coruñesa de Noia.

A adestradora do Club, Noelia Gómez, manifestou estar moi satisfeita dos resultados conseguidos, e máis aínda de comprobar o excelente nivel de competitividade dos sete deportistas do Club que acudiron a este
 campionato, e con moi boas sensacións no nivel que todos os deportistas do Club van adquirindo nesta modalidade de combate, modalidade na que seguirán traballando intensamente para tratar de conseguir os mellores resultados posibles.