O XUVEN PERDE EN ZARAGOZA

Os maños salvaron a súa primeira "final" e sumaron un triunfo vital ante Xuven Cambados. Os maños levan o basket average particular cos galegos e colócanse a un só partido de distancia dos catro equipos que lle preceden na táboa.

Pero a tónica desta tempada é que se lle fan moi longos os partidos ao cadro amarelo.

Os de Miguel Ángel Hoyo facían gala do seu estilo ofensivo e anotaban 18 puntos en menos de cinco minutos, cun 0-9 que provocaba o tempo morto local (9-18). Os visitantes íanse ata os doce de renda (11-23), antes de que un 11-0 metese de cheo aos maños no encontro (22-23). E cun 7-0 os locais tomaban o mando do choque (29-25). Era a quenda visitante: 0-7 para 35-41. Xuven Cambados chegaba a contar con 7 tantos de renda (37-44) antes do descanso e íase ata os 9 na continuación (43-52). Parecía que a vitoria ía tomar rumbo a Galicia, porque o dominio era visitante (57-64 a 8 minutos para acabar). Nese momento crítico, xa non do partido, se non da tempada, Simply Olivar respondía: 13-2 en seis minutos. Gelazonia, cun destacado debut, e Almeida empataba o choque a 70, antes de que Gaffaney anotase un triplo decisivo, seguido xa dunha serie de tiros libres que confirmaban a importantísima vitoria local.

A clave: Espectacular debut sen premio para Shota Gelazonia: 26 puntos, 12 rebotes e 35 de valoración. Pero serviu de máis o corazón maño, que non quixo dar a tempada por perdida. Enorme reacción no período final.



Estadística