ARAGUNDE RECOÑECE IRREGULARIDADES DURANTE O SEU MANDATO

Luís Aragunde recoñeceu hoxe en Radio Arosa(Cadena Ser) como unha práctica normal e á vez irregular o exceso de horas extras de traballadores do Concello de Cambados no periodo 2011-12 que está a investigar o Tribunal de Contas de Galicia.
Ampárase en que este organismo tamén investiga a outros 25 concellos da provincia.

Esto é mentira porque son 23 en toda Galicia. Non é o mesmo 23 de 314 que 25 de 62.

Xustifica na carencia de persoal a acumulación de horas extras de diferentes traballadores, algúns dos cales eran persoal de confianza nomeados a dedo.

O montante en euros estímase en 158.000 e para evitar esto redactouse unha nova RPT aprobada a finais do 2014, tres anos despois.

Segundo os cálculos do concelleiro de Economía e Facenda de Cambados, Xurxo Charlín, o montante das horas extra que motivan estas dilixencias ascende a 158.107 euros: o xefe de negociado de secretaría cobrou 440,5 horas extraordinarias en 2011; o capataz municipal de obras, 239 en 2011 e 261 en 2012; o secretario da alcaldía, 562 en 2011, e 382 en 2012, e a auxiliar administrativa, 441 en 2011 e 306 ao ano seguinte. No que afecta á produtividade concedida á policía local por nocturnidade e prestación de servizos os domingos e festivos, o Concello abonou 30.037 euros en 2011 e 32.289 en 2012.

Gráfico que desmonta a mentira de Aragunde

Escoita aquí as explicacións do ex-alcalde.