DERROTA INCRIBLE DO XUVEN

Incrible o ocorrido en O Pombal. Por segunda vez esta tempada, os locais cedían un encontro que chegaban a dominar por máis de vinte puntos na segunda metade. Sáenz Horeca Araberri lograba unha espectacular remontada para seguir na pelexa polo ascenso directo.

Despois de oito igualados minutos, os de Miguel Ángel Hoyo aceleraban no tramo final do primeiro período (25-17). E cun 10-0 no arranque do segundo período os galegos colocábanse cun comodísimo +15 ante unha afección entregada. Os arabeses non tiñan maneira de frear ao seu rival e íanse aos vestiarios cun 50-34 en contra. Un 7-2 de saída daba a Xuven Cambados a súa máxima renda do choque. Era o 57-36, quedaban 8:43 para acabar o terceiro período e foi o punto de inflexión do choque. Coma se algo cambiase no cerebro dos xogadores arabeses, estes comezaron a activarse e encadeaban un parcial 0-15 que lles metía de cheo no choque (57-51). Chufi Rodríguez cortaba a sangría, pero de maneira puntual, porque os de Sergio Jiménez seguían intensísimos e igualaban o choque a 62. E cun triplo de Joe Hart entraban no acto final por diante: 64-65. O cambio de tendencia era evidente e os arabeses non ían deixar escapar a sua "presa": parcial 0-6 no arranque do período definitivo e choque decantado (68-77). Xuven Cambados buscou a remontada, pero non puido baixar dos catro puntos en contra.

A clave: Incrible remontada dos arabeses, que deron a volta a un partido que tiñan perdido anotando 49 puntos nos 18 minutos finais de xogo. Cinco xogadores por encima dos dez tantos, encabezados por Fabio Santana: 17 tantos e 21 de valoración.

Estadística



Texto: FEB.es
Fotos: Luis Gomez