A escuadra guipuscoana tampouco fallou a domicilio na tarde do hoxe sábado para sumar a súa terceira vitoria seguida. Xuven Cambados encaixa a súa terceira derrota consecutiva na súa casa.Non vence na casa no 2016.
E iso que o arranque dos de Miguel Ángel Hoyo foi espectacular: 14-2 en pouco máis de catro minutos e tempo morto visitante. Baru, última incorporación galega, saltaba no cinco inicial e achegaba catro puntos nesta grandísima posta en escena. Sammic ISB respondía cun 0-10, aínda que o mando do choque seguía sendo local (24-16). Xuven Cambados mantiña a súa renda ata os minutos previos ao descanso, cando un novo acelerón visitante apertaba o partido rumbo aos vestiarios (39-36). Os galegos, cun 4-0, volvían instalarse na súa distancia de seguridade, momento no que Sammic ISB golpeaba con forza: 1-13 para tomar o mando do partido por primeira vez (44-49). Os locais reaccionaban cun 5-0, pero un triplo de Cirkovic permitía aos vascos entrar por diante ao período final e dar paso ao "show" de Sandy Marcius: 9 puntos seguidos para romper o encontro (51-61). Ata o final do choque, os guipuscoanos navegaron con comodidade.
A clave: No momento clave do choque, apareceu o MVP Sandy Marcius: 9 puntos consecutivos para acabar coa resistencia rival. Ao final, 21 tantos e 15 rebotes para 33 de valoración.
Estadística
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.