O CAMBADÉS AGUS "PIBE" PASTORIZA FICHA POLO OVIEDO

O Real Oviedo anunciou a incorporación do extremo arxentino, criado en Cambados,  Agustín Emanuel Pastoriza 'Pibe', xogador do Betis B (Segunda B) que chega ao club carbayón para incorporarse á plantilla do filial azul, o Vetusta.
Extremo esquerdo de 19 anos internacional sub20 con Arxentina, que pasa de prometedor a descartado (38 minutos este ano) e dun equipo que loita por non descender a terceira a outro que loita por subir a primeira. Cambiazo para el sen dúbida. 
Agustín Pastoriza, coñecido no mundo do fútbol como Pibe, naceu en Buenos Aires aínda que as súas raíces maternas son galegas. En 2002, os pais de Pibe establecéronse en España, concretamente en Cambados. Despois de dar os seus primeiros pasos en varios equipos galegos, Pibe púxose a camiseta do Pontevedra. Guillermo Fernández Romo, man dereita de Óscar Cano no Betis B, fixouse en Pibe, que asinou un contrato coa entidade verdibranca o verán do 2013.

Non esquecerá a tarde do  18 de maio de 2014 en Pamplona un arxentino criado en Galicia e que debutou na elite co Betis. O seu pai e o seu avó xogaron ao fútbol en Arxentina e Pibe quere facer carreira en España.
Nada máis acabar o encontro, Pibe comentou na súa conta oficial de twitter que "hoxe cumprín o meu soño que tantos anos busquei,isto vai pola miña familia! Hoxe é un día que nunca esquecerei!"