ELOY GONZÁLEZ AS PORTAS DAS MEDALLAS

Este pasado sábado celebrouse na localidade Alemá de Hamburgo, o campionato Mundial de fisicoculturismo e fitness, Mr. Universe,da Asociación N.A.C. International, á que está adscrita a Asociación Española A.E.F.F. Ata este evento desprazáronse tres competidores galegos, o cambadés Eloy González Costa, do Ximnasio Vital Sport,que competiu na categoría Mes Phisyque,o veciño de Campo Lameiro, Francisco Iglesias Montáns do ximnasio Gimsport de Pontevedra, que competiu na categoría Men Body IV, ambos os deportistas competidores do equipo Body Sport Team de Pontevedra, dirixido polo preparador Xullo García Pampín, e o santiagués Fernando Mera Varela, do equipo de competición de David García Morlán, do EsqultureTeam de Santiago de Compostela, todos eles como integrantes da Selección Española de Competición de A.E.F.F., tras clasificarse para asistir a este evento no pasado Campionato de España, celebrado os días 14 e 15 de novembro en Torremolinos (Málaga).
Os tres competidores realizaron un gran papel neste campionato Internacional, e regresando coa satisfacción de conseguir, no caso de Eloy González, pasar a clasificación como finalista e conseguir un máis que meritorio Cuarto posto, de entre vinte e cinco competidores internacionais dun altísimo nivel. No caso de Francisco Igrexas, conseguiu subirse ao podio, ao facerse co trofeo de Terceiro clasificado da súa categoría,tras disputar o seu posto con outros dez competidores,e no caso de Fernando Mera, este tamén realizou un moi bo campionato, aínda que quedou á portas de clasificar como finalista tras medirse con outros vinte e dous competidores de diversos países e un nivel excepcional.Tanto os tres competidores como os seus preparadores, volven cunha gran satisfacción por realizar un excelente papel nun campionato Internacional cun nivel de competidores enorme e destacando a estupenda actuación de todos os competidores, tanto os tres galegos, como do resto da expedición Nacional, destacando tamén o primeiro posto e alzarse co título de campión en Men Body IV, Anxo Calderón, copando este e Francisco Igrexas dúas dos tres postos de podio dela categoría.