O REINO DOS CEOS

Bea Costa, Redactora para Cambados de “La Voz de Galicia”segue na súa Cruzada para acabar cos infieis, e coma tal se pode catalogar o artigo de hoxe 22 de Outubro na Edición de Arousa e o seu comezo abrupto, desafiante, e cheo de inquina baixo o meu humilde punto de vista: “As políticas de austeridade no Concello de Cambados chegan aos camposantos (…)”. Era visto que esta moza morena, guapa, e cunha grande preparación periodística non podía deixar de enfangar o que é un día de loito para os veciños de Cambados por mor dos motivos que todos coñecemos. É obvio que ten informadores / informantes nas huestes do Partido Popular cando chega aos seus oídos cuestións que se falan na Xunta de Goberno Local moitas das veces e que se recollen baixo a fórmula de dictámines e teñen o seu propio libro de actas. Está no seu deber de percurar  información, os periodistas tamén chegan moitas veces antes que a policía ao escenario do crime. Irreprochable. Outra cousa é a redacción que da as novas, desafortunada, capciosa e cun til de acoller no seu berce o ideario da dereita Cambadesa. O enlace o copio e o pego neste artigo de opinión que representa,  ao que subscribe o mesmo (a título particular), eran tantas as saídas de pata de banco desta moza que estaba pedindo a berros un artigo.

Haber miña prenda: o Concello colocaba cruces e coronas de flores no día dos cemiterios e o grupo de goberno decidiu rematar con esta práctica, o que suporá un aforro para os contribuíntes de entre 800 e 1000 euros, ou que é o mesmo: o salario mensual dun dos traballadores que pertencen á “gama alta” Española,  aí e nada. Compre lembrar que España é un Estado aconfesional ao abeiro do artigo 16 da Constitución Española e que temos un cemiterio que é propiedade da Igrexa Católica. A pesares diso, hai coma sí suliña o artigo,  catro operarios que se encargan das labouras de mantemento, que revisan as fontes e os sistemas de iluminación, un xesto que di moito do carácter tolerante, demócrata e con altura de miras que o goberno de consenso mantén cos veciños. Se podería falar de como quedou en nada nos 80 a idea do BNG de municipalizar o Camposanto Parroquial e das trabas que puxeron os propietarios e o finado párroco, D. Antonio Liste Rodríguez, pero sería longo de explicar e  daría para dous artigos.

ARTIGO DE "LA VOZ"

 “É a única intervención que se fai ao longo do ano deste tipo”: non é certo. Se un quere ter  obxectividade e se manexar por  un código deontolóxico – periodístico debe ter en conta os intres que atravesan as arcas municipais despós do paso dos Templarios cara Terra Santa  encabezados por Benito Leiro,  Guy de Rousiñón e Luis Aragunde, un ex – alcalde - cristiano -  católico de buffet libre. Fixeron do caciquismo, algo que condenan os Evanxeos, do nepotismo e do amiguismo (favor con favor se paga) o seu xeito de facer política. Pos non chegaba con telos aturado que agora toma presuntamente as rendas esta grande paloma volteadora: "Mágoa que as grandes palomas volteadoras non se poidan aparear, as súas crías voarían  alto para despós caír do ceo”  (Thomas Harris,  "Hannibal").

“Co anterior goberno do PP no cemiterio de  Santa Mariña se facía a limpeza antes do verán, dado que alí as ruínas reciben cada vez máis visitantes” (…)  Sen palabras, te quedastes corta ”cielo”: ía Luis en persona a supervisar aquelo, e namentras pasaba a súa aura que tantas paixóns esperta en tí, presuntamente, quedaban mimetizadas na pedra”. Máis poesía Bea e menos folletíns novelescos: a xente precisa paz e este tipo de artigos o que xeneran son “inshidiash”. Calma:  Luis voltará, e con il o Reino dos Ceos (Ridley Scott).

Óscar Manuel Núñez.

Cinéfilo.