COMEZO DO OBRADOIRO DE PINTURA PARA MAIORES

Hoxe xoves 15 de outubro deu comezo o obradoiro de "Arte e Saúde" en

colaboración coa Cruz Vermella. Un total de 18 participantes maiores de 65

anos esgotaron as prazas dispoñibles para este curso que terá lugar na

Biblioteca Municipal todos os xoves ata o 26 de novembro, de 11 a 13 horas.

O obradoiro tratará de achegar ás persoas participantes ás disciplinas

artísticas, como a pintura, o debuxo e o collage, potenciando o estado de

saúde e benestar a través do traballo creativo, e sensibilizando ao alumnado

para que coñeza as posibilidades expresivas do color e a forma.

As técnicas que se usarán serán, entre outras, lápis, pastel, carbón,

acrílico, tinta china etc.

Dende a biblioteca municipal agradecen o labor dos voluntarios de Cruz

Vermella e a súa disposición para organizar nas súas dependencias

actividades para colectivos en risco de exclusión. A colaboración entre

ambas as dúas entidades nos últimos 5 anos foi sobre todo enfocada a

potenciar a educación en valores para nenos, baseada en obradoiros de

plástica, reciclaxe e ambiente. Nesta ocasión e por primeira vez levan a

cabo unha iniciativa para persoas maoires que, como puideron comprobar,

mesmo superou as súas expectativas.