COMEZA O MARTES A RUTA DO VIÑO RIAS BAIXAS

Os itinerarios levarán aos visitantes os tres últimos martes e mércores deste mes polas subzonas de Val do Salnés, O Rosal e Condado do Tea.

A Ruta do Viño Rías Baixas dará o martes o pistoletazo de saída a unha das súas actividades   estrela do verán. Os buses do viño levarán os visitantes a un total de 18 adegas (tres por itinerario), que están integradas dentro desta asociación sen ánimo de lucro. Os percorridos desenvolveranse os martes 11, 18 e 25 e os mércores 12, 19 e 26 de agosto.

Os puntos de inicio da xornada entre viñedos serán Sanxenxo (dende onde os buses sairán todos os martes), Baiona (o mércores 12) e Pontevedra e Vigo (os días 19 e 26 o autobús pararán en ambas as dúas cidades). Unha guía turístico acompañará aos participantes na súa viaxe e ofreceralles durante o camiño detalles sobre as características da Denominación de Orixe Rías Baixas, así como das distintas subzonas que a integran. Tamén conducirá os asistentes nas visitas guiadas a vilas emblemáticas da Ruta doViño.

Xa nas propias adegas, serán os PROFESIONAIS do sector os encargados de explicar o proceso de elaboración dos viños. Ademais, ofreceráselles unha degustación dos seus produtos.

O percorrido inaugural dos Buses do Viño desenvolverase o martes 11 de agosto. O punto de encontro é a parada de autobús situada ao lado do HOTEL CARLOS I de Sanxenxo. Dende alí dará comezo o primeiro dos itinerarios a partir das 10.00 horas, que percorrerá a subzona de Val do Salnés. A primeira parada será ás 10.45 horas en Pazo de Señoráns. A continuación, arredor das 12.15 horas visitarase Lagar de Costa, adega, que este ano recibiu o primeiro premio da Cata Concurso Albariño Rías Baixas pola súa marca insignia.

Tras un descanso para comer en Cambados, os asistentes poderán gozar dunha visita guiada á coñecida como a Capital do Albariño. Xa ás 17.15 horas, o Bus do Viño trasladarase ás instalacións da adega Gran Bazán. O regreso a  Sanxenxo está previsto arredor das 19.00 horas.

O itinerario do mércores 12 de agosto terá saída dende Baiona. Os asistentes deberán subir ao Bus do Viño ás 10.00 horas na parada situada fronte ao PARADOR NACIONAL. Dende este punto desprazaranse á subzona do Rosal, onde visitarán as adegas Valmiñor (11.00 horas) e Terras Gauda (12.30 horas).

Dende este punto, o autobús dirixirase á subzona de Condado de Tea, onde haberá tempo libre  para comer en Salvaterra de Miño. O último punto de parada será a adega Señorío de Rubiós, situada no municipio de Ás Neves. O regreso a Baiona está previsto ás 19.00 horas.

Dende a Ruta do Viño Rías Baixas destacan que a PROGRAMACIÓN do Bus do Viño "é unha boa forma de mostrar a veciños e visitantes as adegas asociadas a través dunha xornada entre viñedos. Ademais de coñecer in situ o proceso de elaboración dos viños da D.O. Rías Baixas tamén poden gozar das paisaxes das subzonas de Val do Salnés, O Rosal e Condado de Tea", indican.

O prezo desta ACTIVIDADE é de 12 euros por persoa, importe que non inclúe a comida. Os que desexen participar deben reservar a súa praza chamando á Ruta do Viño Rías Baixas (986 091 088) ou escribindo ao CORREO ELECTRÓNICO info@rutadelvinoriasbaixas.com.