A F.E.C.A. APOIA QUE O C.R .D.O. RIAS BAIXAS VEÑA PARA CAMBADOS

Dentro das visitas que os representantes da FECA están a facer visitas aos Concellos da comarca para darse a coñecer ante as novas corporacións municipais do Salnés. 

Hoxe foi o turno de Cambados e os representantes da directiva da Federación Comarcal de Empresarios de Arousa (FECA), José Luís Vilanova Peña (presidente) e Manuel Míguez, e amosaron o seu apoio á reivindicación do traslado da sede do Consello Regulador da Denominación de Orixe Rías Baixas de Pontevedra a Cambados.

Aparte desta reivindicación sumaron outras para facer unha fronte común que signifique a mellora da nosa Comarca. Entre elas,  a demanda por parte deste organismo en participar no Padroado da Festa do Albariño, a proposta de construír un polígono industrial para empresas do sector do mar, a necesidade de mellorar a mobilidade e o transporte público intracomarcal, o desdobramento da vía rápida desde Catoira ata O Grove para mellorar as ámbalas dúas beiras da Ria da Arousa, a creación dunha senda litoral peonil desde Vilagarcía ata O Grove e a demanda da parada do AVE na estación de tren de Vilagarcía na época estival para dar un mellor servizo ao Turismo que ven visitar a nosa comarca por este medio de transporte.