REUNIÓN DAS FLOTAS DO CERCO E ARRASTRE NA XUNTA

Os barcos do cerco terán que convence-los do arrastre para fixaren un tope diario de xurelo. A idea é que non se descarguen grandes cantidades de peixe nun mesmo día, de modo que non caian en picado os prezos.

Os donos dos barcos do cerco acordaron que, independentemente dos topes que teña cada embarcación, ninguén poida pescar máis de 5.000 ou 6.000 quilos ó día, segundo o tamaño do pesqueiro.

Pero o acordo quedou a expensas do que decidisen os barcos do arrastre, que tamén capturan xurelo. A idea é que tamén eles establezan un tope máximo de capturas, para NON inunda-los mercados.

A xuntanza entre a Xunta e os representantes das dúas frotas comezou as 11 desta mañán en Santiago.