PECHADAS O 90% DAS BATEAS DE MEXILLÓN

A marea vermella mantén fóra de servizo máis do 90 por cento das bateas do mexillón. Segundo as últimas resolucións da Xunta, só se pode extraer mexillón nalgunhas zonas de Redondela, Cambados e A Pobra.
A toxina lipofílica ou diarreica colle cada vez máis forza. Nunha semana obrigou a pechar case todas as bateas das Rías Baixas, que nalgúns casos estaban xa fóra de servizo por outra toxina, a amnésica ou ASP.

Segundo os datos da Xunta, só hai bateas abertas en dous polígonos da Pobra, un de Vilagarcía e outros dous en Redondela.
As expectativas non son boas porque os prognósticos, aínda que para hoxe e para mañá dan vento do norte, para os próximos días anuncian que volverá soprar do sur, polo que a toxina non dará abandonado as rías.