REACCIÓNS A LIBERDADE DE SITO MIÑANCO

O xuíz de Vixilancia Penitenciaria da Audiencia Nacional, co informe favorable da Fiscalía, atende a petición de Sito Miñanco e permite que poida traballar de luns a venres. Para iso, déixao saír de prisión.

Sábese que as noites e as fins de semana terá que pasalas na cadea. Nese auto o xuíz establece unha condición inescusable para executar o permiso: prohíbelle expresamente viaxar a Galicia. O maxistrado considera que son moitas as persoas que sufriron aquí as consecuencias da vida delituosa de Miñanco e de feito no auto faise referencia á perda dunha xeración produto do consumo de drogas.
As reaccións móvense entre o enfado ao lembrar todo o sufrido e maila alegría que lles provoca o feito de que Miñanco non poida volver pisar o país. Aínda que moitos veciños prefiren gardar silencio e non opinar ao respecto, hai quen se amosa partidario de non esquecer nin perdoar o narcotraficante, e pídenlle ás autoridades que o vixíen de preto cando saia da cadea.
Hai quen opina que, sin vir por Galicia fixo "negocios" anteriormente, polo que sendo boa medida non é definitiva.


Fonte:TVG e CORES DE CAMBADOS