"ACHÉGATE A FÁTIMA ABAL" EN CORVILLÓN

Os socialistas de Cambados invitan ós veciños á xuntanza “achégaTE a Fátima Abal que mañán venres se celebrará na parroquia de Corvillón

Despois das xuntanzas realizadas en Oubiña e en Vilariño,  a candidata socialista á alcaldía, invita ós vecinos de Corvillón a que se acheguen ó Centro Cultural e a coñezan en primeira persoa .

Para eso, está convocada unha xuntanza este venres, 17 de abril, ás 20:30h. no centro cultural de Corvillón.

Esta será unha reunión aberta a todos os veciños e veciñas, igual que xa se fixo noutras parroquias, na cal os cales poderán opinar, debatir, propoñer e falar de todo o que afecte, dunha ou doutra forma, a esta zona.

Fátima Abal explica que “os veciños e veciñas son quenes mellor coñecen o seu entorno e, polo tanto, a súa participación é fundamental para a súa mellora e transformación. Cada zona ten as súas potencialidades, por eso queremos convidar a todas as persoas a falar das particularidades específicas de esa zona.”

“Ten que haber un contacto directo entre os políticos e o resto da cidadanía, xa que a nosa tarefa consiste en buscar solucións aos problemas das persoas. Por eso queremos que os cambadeses e cambadesas sexan os protagonistas do seu propio futuro, con iniciativas como os presupostos participativos, os cales presentamos recentemente, e outras moitas encamiñadas á participación veciñal.”