A Asociación Amigos de Val-Inclán organiza este sábado, día 25 de abril, unha 'Ruta Valleinclaniana', á que asistirán 140 profesores de institutos de toda Galicia.Segundo informan os organizadores, ás 9,00 horas efectuarase a saída dende o Porto de Vilanova de Arousa, onde regresarán ás 11,00 horas para facer unha visita guiada ao Cantillo e Museo Cuadrante.
Pola tarde, acudirán a Cambados, onde se realizará a 'Ruta de Cabanillas' con saída dende a Praza de Fefiñáns, sinalou a Asociación Amigos de Valle-Inclán.
Esta visita, segundo indican, será de ámbito comarcal, no marco da cal visitarán diversos lugares como Vilanova, A Pobra, Cambados,Armenteira e A Lanzada, entre outros puntos.
O guía desta ruta será Francisco X. Charlín Pérez, director da revista 'Cuadrante', segundo puntualizan os organizadores desta iniciativa.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.