"LARPEIROS" DA TVG DE NOVO EN CAMBADOS

Os “Larpeiros” da TVG mantiveron unha animada conversa sobre grandes descubrimentos, como, por exemplo, a gran variedade de fabas que se poden atopar ultimamente nas tendas. De Lourenzá, de Carballo, de León, negras, moradas e de cor canela son algunhas das variedades. Outras que lles gustan moito aos “Larpeiros” son as verdinas, unhas fabas pequenas que en Galicia se chaman fabas de marisco porque van moi ben con estes produtos. 

Leni, que é moi previsora, xa terá unhas verdinas a remollo, á espera de que os cociñeiros se atrevan a facer algo rico con elas. Benigno non deixará pasar a oportunidade de facer un xantar de altura: verdinas con ameixas e lagostinos, un auténtico prato de festa.

Para isto, Adrián emprenderá nesta ocasión viaxe a Cambados, onde, grazas á axuda de Vitoria, se converterá en todo un mariscador profesional. Terá que dobrar o lombo se quere apañar unhas ameixas de primeira para levarlles aos seus compañeiros. Pero a recompensa será ben doce: as galletas de améndoa con recheo de chocolate, preparadas por Merchi e Leni, que o estarán agardando de volta na casa.

LARPEIROS EMITIDO O XOVES 9 DE ABRIL