GRAN VICTORIA DO XUVEN QUE VAI DIRECTO AO PLAY-OFF

O equipo cambadés sobrepúxose a un gran inicio do Opentach Basquet Pla, que continúa metido na pomada por evitar o descenso. 

Opentach Basquet Pla vs Xuven Cambados (65-92) / Estatísticas

O Xuven Cambados continúa imparable cara aos playoffs da Liga Adecco Plata tras vencer un Opentach Basket Pla, que segue metido de cheo na loita por evitar o descenso. As cousas puxéronse de cara para o anfitrión cun brillante primeiro cuarto de Ausina (8 puntos), que proporcionou unha vantaxe de seis puntos tras os 10 primeiros minutos. A reacción do Xuven non se fixo esperar. Un parcial de 0-7 no segundo cuarto poñíaos por diante e non volverían mirar atrás. Os triplos de Quintela e Nkaloulou cimentaron as primeiras vantaxes ao descanso (34-40). 

Na segunda metade, os mallorquinos seguiron perdendo balóns con suma facilidade en contraste dun rival demoledor ao contragolpe. Os locais non ameazaron en ningún momento coa remontada, grazas ao tremendo acerto galego dende a liña de tres (9 de 20). Esa puntaría e as 26 perdas do Pla deixaron todo de cara para que o Cambados cimentase o seu triunfo número 14 do ano.

MVP: Milandou Nkaloulou (Xuven Cambados) - 24 puntos e 11 rebotes para 30 de valoración.


F.E.B.