O XUÍZ ORDENA SEGUIR A CAUSA CONTRA LOUZÁN

Onte Louzán estaba tranquilo as portas do Xulgado de Cambados antes de declarar. 
Supoñemos que hoxe xa non estará tanto.

O xuíz de Instrución número 2 de Cambados acordou continuar co procedemento aberto contra o presidente da Deputación e líder doPP de Pontevedra, Rafael Louzán, a súa esposa e o deputado provincial Severino Reguera, tras dar audiencia ás partes. Segundo a Fiscalía puideron incorrer en suborno no aluguer duns baixos comerciais en Vigo.

O fiscal trasladoulles a súa imputación e as defensas fixeron as súas alegacións, tras o cal o maxistrado ditou un auto no que acorda a continuación do procedemento pola lei do xurado e a práctica de diversos medios de proba, entre os que se encontraba tomarlles declaración como imputados. Todos se acolleron temporalmente ao seu dereito a non declarar, confirmaron fontes do Tribunal Superior de Xustiza de Galicia.