ACTIVIDADES DO I.E.S. ASOREY PARA OS VINDEIROS DIAS

Seguindo co seu frenético traballo o I.E.S. Asorey programa para esta semana varias actividades.

O mércores 18 de marzo de 2015 os alumnos de 3º ESO A-B-C asistirán a un concerto didáctico no 

Auditorio de Galicia, con un custe de 3 euros para o transporte.

O xoves, 19 de marzo de 2015 os alumnos de 1º BACH-A recibirán unha Charla divulgativa sobre

“Identificación de plantas invasoras nos ecosistemas costeiros” esta charla correrá a cargo de LUIS GONZÁLEZ, Profesor da Universidade de Vigo, no auditorio do centro.

Os alumnos, baixo a dirección de Víctor Caamaño, participarán nun proxecto de identificación de plántas invasoras liderado polo ponente na Universidade de Vigo.

Luns, 23 de marzo de 2015 os alumnos de 3º e 4º ESO, 1º BAC, 1º CM Xestión Administrativa e 1º CS Admon. e Finanzas poden asistir a representación de “Food for thought”, a cargo da compañía MOVING ON. Unha peza teatral en inglés. Con esta representación inténtase achegar ao alumnado ao idioma dende unha perspectiva diferente á habitual, para que cheguen a familiarizarse co inglés como unha lingua vehicular máis i escoitar e participar activamente na obra.

O mesmo luns, 23 de marzo,  alumnos de 4º ESO e 1º BAC, presenciarán o espectáculo musical “Música de Cine”, organizado por EINA D’ESCOLA no Salón de Actos do Instituto La Salle de Santiago. Os alumnos deben entregar 3 euros en concepto de axuda ao pago do transporte e 6 euros para o custe da entrada.