QUE VAI FACER O CONCELLO PARA AXUDAR AOS VECIÑOS POLOS RUÍDOS?

Os socialistas de Cambados levan a Pleno o tema dos ruídos nas estradas do municipio, xa que dende o pasado 16 de febreiro de 2015 a Axencia Galega de Infraestruturas somete a trámite de información pública os mapas estratéxicos de ruído dalgunhas estradas da rede autonómica de estradas de Galicia da zona do Salnés.

Neste caso, o Concello de Cambados vese afectado polos mapas estratéxicos de ruídos das seguintes estradas:

a) VG-4.2 Saída 7 (AG-41) – Cambados (PO-300). Treito 0,000 ao 4,440. Clave PO/13/043.09.3 Cambados – Ribadumia.

b) VG-4.3 Cambados (PO-300) – Vilagarcía de Arousa (N-640). Treito: 0,000 ao 7,330. Clave: PO/13/043.09.4 Vilagarcía de Arousa, Vilanova de Arousa, Cambados.

c) PO-300 Mosteiro – Cambados (VG-4.3). Treito: 10,040 ao 11,710. Clave: PO/13/043/09.5 Cambados.

d) PO-550 Cambados (VG-4.3) – A Lanzada (PO-308). Treitos 0,000 ao 10,970. Clave PO/13/043.09.15 Cambados, Ribadumia, Meaño, Sanxenxo.

O Grupo Municipal do PSdeG-PSOE quere saber se o Concello vai a presentar alegacións ao informe presentado por este organismo dependente da Xunta de Galicia.

Tamén quere saber si o Concello cumpre co exposto no DOG e están expostos ó público os mapas estratéxicos de ruído mencionados así como na páxina web.

Os socialistas sinalan que no informe apúntase a que existen tramos cunha sinalización contraditoria, polo que queren saber se o Concello vai o equipo de goberno a instar ós organismos competentes para que tomen as medidas pertinentes e estes tramos de estradas teñan unha correcta sinalización.

Ademais instan ao Concello a tomar medidas para que o tramo que atravesa o casco urbano de Cambados afectado, e que segundo os datos ten un tráfico rodado de vehículos por día cun número moi aproximado aos tramos das VG-4.2 e VG-4.3, reduza os datos de ruído para unha mellor calidade de vida dos cambadeses.