Un home foi trasladado este mércores ao hospital comarcal do Salnés tras inhalar unha importante cantidade de fume a causa dun incendio rexistrado na súa vivenda pasadas as sete da mañá.
Segundo informaron os Bombeiros do Salnés, o ferido encontrábase no dormitorio onde se orixinou o lume, no sétimo piso do edificio número 4 da rúa O Pombal, en Cambados. Na vivenda había varias persoas. As causas vanse investigar pero parece que un descoido cunha cabicha puido ocasionar o incendio.
A rápida intervención dos efectivos dos parques de Ribadumia e de Vilagarcía confinou o lume no dormitorio sen que se propagase ao resto da vivenda, polo que tampouco foi necesario o desaloxo do edificio.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.