A EDAR DE RIBADUMIA PASA A SER EXPLOTADA POLA XUNTA

O vicepresidente da Xunta, Alfonso Rueda, asinou hoxe os convenios polos que o Goberno galego asume a xestión e explotación das estacións depuradoras de augas residuais (EDAR) de Ribadumia e Pontecaldelas. Á sinatura tamén asistiron o director de Augas de Galicia, Gonzalo Mosqueira, e o delegado da Xunta en Pontevedra, José Manuel Cores Tourís.

O Goberno galego asume por primeira vez a explotación de dúas depuradoras xa en funcionamento, a de Ponte Caldelas e a da Mancomunidade do Salnés, en aras dunha mellor xestión, aplicando un mecanismo novidoso incluído na Lei de Augas, e axudando dende a Xunta aos concellos galegos para ofrecer o mellor servizo aos veciños.

Trátase de garantir o bo funcionamento das depuradoras de augas residuais para mellorar a calidade da auga que devolvemos aos nosos ríos, mediante un sistema que permite economías de escala ao poder agrupar a contratación de diferentes depuradoras nunha única concesión. Acádase así a maior eficacia e maior eficiencia no funcionamento dunhas Infraestruturas que inciden directamente na calidade do noso medio ambiente, e articulado a través da colaboración institucional e dun firme compromiso coa calidade das augas dos nosos ríos e rías.

O máis listo da clase sen chaleco. Non o habería da sua talla?

Depuradora do Salnés
A Mancomunidade do Salnés solicitou a asunción por Augas de Galicia da explotación das instalacións, polo que fará entrega para a súa xestión das instalacións, incluídas aquelas que en substitución ou mellora delas poidan realizarse no futuro. A Consellería de Medio Ambiente levará a cabo a súa explotación nas condicións técnicas adecuadas á súa capacidade de deseño e ás exixencias ambientais vixentes, realizando as tarefas precisas para a súa correcta conservación e mantemento. Cabe sinalar que a asunción da prestación por parte de Augas de Galicia en ningún caso supón que a Administración hidráulica da Comunidade Autónoma asuma a titularidade das instalacións xestionadas

O convenio ten un período de validez de catro anos a partir da data da sinatura da acta de comprobación das instalación, pero pode ser renovado por período de catro anos se non existe denuncia por calquera das partes.