A VERTEDURA DE TRAGOVE É MOI GRAVE

A confraría de Cambados denuncia que a vertedura que afectou a zona de produción de navalla e vieira no porto de Tragove na zona das Touzas de san Alberto é máis grave do que pensaron inicialmente.
Aseguran que, mesmo os exemplares afectados por unha substancia esbrancuxada que conseguiran sobrevivir inicialmente, están case todos mortos. Tras denunciar o caso no Seprona e na administración, agardan contestación pois  polo momento non obtiveron resposta.
Dende a Consellería do Medio Rural e do Mar informan de que están en contacto coa confraría de Cambados e que están a investigar os feitos.