XIII FESTA DA VIEIRA

Este fin de semana si sodes amigos do marisco, tedes que visitar Cambados para degustar nas XIII Xornadas de Exaltación dá Vieira en Cambados, desde mañá venres ao domingo,  un plan perfecto, para os amantes do marisco.
Os que queirades asistir, atoparedes a carpa de degustación no Paseo da Calzada, e nela poderedes degustar os pratos realizados polos restaurantes Ribadomar, A Taberna do Trasno e Pandemonium, coa colaboración especial de Guimatur e Zona Centro de Cambados. 

A carpa estará aberta o venres, sábado e domingo, de 12 da mañá a 12 da noite, salvo un descanso de 5 a 8 do serán. Amais da propia degustación gastronómica, haberá exhibicións e torneos deportivos e actuacións musicais; como a do Septeto Naborí de Cuba, o sábado á noite na Praza do Concello; ou a Banda de Música de Peñafiel, de Valladolid, o domingo nesta mesma praza do Concello. Amais, Guimatur organiza tres rutas guiadas durante a fin de semana, co fin de que os visitantes coñezan máis polo miúdo a riveira de Cambados.